Máis de douscentos deportistas de idades entre 12 e 16 anos, estudantes de ESO de Rianxo (IES Félix Muriel) , Padrón (IES Camilio José Cela), Vilagarcía de Arousa (IES Castro Alobre*), Vilanova de Arousa (IES Faro das Lúas) e Cambados (IES Francisco Asorey) disputarán no CD O Pombal de Cambados unha nova edición do Torneo (19 abril 2024). O evento forma parte do programa Eu Saúde, desenvolvido pola Fundación Galega contra o Narcotráfico en estreita colaboración cos centros educativos para fomentar a práctica deportiva como unha opción de ocio saudable, aumentando a sensibilización e o rexeitamento ás drogas e o narcotráfico entre os máis novos.
En opinión dos organizadores “o deporte axúdanos a formar mellores persoas, transmitindo valores como esforzo, autosuperación, disciplina, respecto… sen esquecer os seus indubidables beneficios para a saúde”. Unha festa deportiva que supón tamén unha ocasión excelente para que os representantes dos distintos centros midan as súas forzas e habilidades en catro dos deportes que contan con máis aficionados e practicantes: Baloncesto, Fútbol, Atletismo e Voleibol, un deporte en auxe entre a mocidade.
Author: FGCN
...
