O venres 10 de abril tivo lugar a XX edición do Torneo Deportivo Eu Saúde/Panos Brancos nas instalacións do C.D. Fontecarmoa e coa participación de máis de douscentos deportistas de idades entre 12 e 16 anos, estudantes de ESO de Rianxo (IES Félix Muriel) , A Illa de Arousa (IES da Illa), Vilagarcía de Arousa* (IES A. Cotarelo), Vilanova de Arousa (IES Faro das Lúas, IES A Basella) e Cambados (IES Francisco Asorey) reunidos nunha festa deportiva e de amizade para practicar os deportes de Baloncesto, Fútbol, Atletismo e Voleibol.
A celebración do torneo serve tamén para realizar paralelamente diversas actividades de prevención de drogodependencias e outras adiccións nos centros educativos. O programa exténdese nas aulas a un colectivo de 2.095 mozos/as das localidades e centros participantes En opinión dos organizadores “o deporte axúdanos a formar mellores persoas, transmitindo valores como esforzo, autosuperación, disciplina, respecto… sen esquecer os seus indubidables beneficios para a saúde”. Unha festa deportiva que supón tamén unha ocasión excelente para que os representantes dos distintos centros midan as súas forzas e habilidades en catro dos deportes que contan con máis aficionados e practicantes: Baloncesto, Fútbol, Atletismo e Voleibol, un deporte en auxe entre a mocidade.
Author: FGCN
...
