Xa temos en marcha unha nova edición da mítica Happy Go Running (Campus de Vigo, 27 de abril 2019), que como ven sendo costume nos últimos anos, acolle a proba interuniversitaria contra a droga. Esta edición será a sexta Carreira Galaico-Duriense contra a Droga, organizada pola Universidade de Vigo coa colaboración das universidades de Galicia e do norte de Portugal.
Na dirección www.uvigo.gal/happygorunning poderán consultar todo tipo de información.
Conscentes dos innumerables beneficios do deporte a nivel fisiolóxico e psicolóxico, a aposta polo deporte como forma de prevención, é un dos eixos da colaboración que manteñen Universidade de Vigo e Fundación Galega contra o Narcotráfico para promover os beneficios do deporte na vida das persoas.
Neste ano, Universidade de Vigo e Fundación Galega contra o Narcotráfico acordan destinar o donativo solidario ao proxecto “Movendo Camiños”, iniciativa da Asociación Érguete para promover a práctica deportiva entre a comunidade de persoas que grazas á asociación, están superando procesos de drogodependencias. O proxecto de Érguete naceu para facilitar a participación dos seus usuarios na súa carreira Erguete e Corre, recentemente celebrada en Vigo, grazas a colaboración de deportistas consolidados que participan no adestramento dos novos corredores. O donativo solidario facilita a extensión no tempo desta iniciativa, axudando a que os deportistas continúen mellorando as súas capacidades.
Author: FGCN
...
