Hoxe presentouse o libro conmemorativo do XXV aniversario da FGCN, cumprindo así o compromiso adquirido pola entidade na súa efemérides e que viuse tuncado no seu momento pola pandemia. O apoio da Secretaria xeral de Política Lingüística da Xunta de Galicia fixo posible a edición dunha obra que sintetiza a pequena historia da entidade que constitúe un repaso polos feitos máis relevantes da loita antidroga desde a sociedade civil.
O presidente Manuel Couceiro agradeceu na súa intervención a valentía e compromiso dos homes e mulleres que traballaron e traballan na loita antidroga, cunha especial mención para os fundadores da denominada Plataforma Galega contra o Narcotráfico, liderados por Felipe Suárez para enfrontar a lacra do narcotráfico e o tremendo dano que as drogas causan na sociedade, axundando as Forzas de Corpos de Seguridade e a Administración de Xustiza nesta ardua tarefa; obxectivos que hoxe seguen máis vixentes ca nunca.
O acto contou coa asistencia de diversos representantes da sociedade arousán, entidades antidroga e representantes de diversos concellos e membros do padroado da FGCN. Interviñeron o Presidente da entidade, Manuel Couceiro, o Secretario xeral de Política Lingüística da Xunta de Galicia, Valentín García o Concelleiro de Vilagarcía de Arousa Álvaro Carou e o Patrono da FGCN e membro do comité editorial, Augusto Guedes.
Author: FGCN
...
