O vindeiro 14 de decembro no Salón de Actos da Delegación Territorial da Xunta de Galicia en Ourense terá lugar o Foro Solucións Concretas ao Problema do Botellón. A inscrición é gratuita ata completar o aforo.
As altas taxas de consumo de alcohol constitúen un problema sanitario de primeira magnitude na sociedade actual. O problema toma unha especial gravidade cando falamos de consumo na mocidade porque incrementa notablemente as posibilidades de adicción, así como polos graves danos sanitarios, psicolóxicos e de relación que comporta.
A banalización do consumo masivo de alcohol, a pouca percepción de risco que ten e outros condicionantes definen un problema coñecido pero en absoluto resolto, ante o que é necesario intervir. A nosa sociedade ten a necesidade e a obriga de buscar e atopar solucións eficaces para garantir a saúde e o benestar de toda a poboación.
Para este obxectivo, para buscar Solucións Concretas ao Problema do Botellón, a organización vai reunir a un grupo de expertos coñecedores da materia, profesionais con coñecementos e experiencia contrastada que van a aportar a súa visión, e sobre todo, propoñer solucións concretas, cada un desde o seu ámbito de actuación, para superar este grave problema.
O encontro, de carácter profesional e organizado co apoio da Consellería de Sanidade e do Concello de Ourense, terá invitados procedentes de servizos sociais, sanidade e condutas adictivas, seguridade, educación, psicoloxía e socioloxía, xunto a representantes da administración municipal, autonómica e estatal; e por suposto, representantes de colectivos xuvenís.
A través das súas propostas, que logo serán elevadas ás administracións e autoridades correspondentes con competencias na materia, a organización quere axudar á solución deste grave problema de saúde pública da nosa sociedade.
Author: FGCN
...
