O domingo 22 de abril no Campus de Vigo celebrase unha nova edición da emblemática Happy Go Running-IV Carreira Interuniversitaria contra a Droga. A proba, que xa é un referente para runners de toda Galicia, celebra a súa duodécima edición con representantes das universidades galegas e do norte de Portugal.
A HGR 2018 acolle unha nova edición da Carreira Interuniversitaria contra a Droga (collendo o relevo de Lugo 2017), iniciativa da Fundación Galega contra o Narcotráfico apoiada polas universidades co obxectivo promover a práctica deportiva como un hábito saudable que aporta indubidables beneficios para o desenvolvemento integral das persoas.
Deporte para todos
Os participantes poden escoller entre circuitos de 6,6km, 10 Km e unha andaina panorámica polo entorno do Campus Universitario, organizada coa colaboración do Club Peña Trevinca. Prazo de inscrición: ata o 18 de abril.
Maís alá do aspecto competitivo, o mellor da carreira centrase na promoción dos valores deportivos e no irmandamento entre estudantes das universidades e campus de Galicia e do norte de Portugal, obxectivos compartidos por fundación e universidades.
Por expreso deseo da Universidade de Vigo, un euro de cada cuota de inscrición será destinado a un novo proxecto solidario para axudar á reintegración social de exdrogodependentes. Este ano o donativo permitirá á implantación de dúas colmenas en terreos anexos á horta xestionada por Cáritas Interparroquial en Vilagarcía de Arousa, na que traballan persoas exdrogodependentes en proceso de reintegración social.
Esta iniciativa permitiralles adquirir coñecementos de apicultura, participando tamén na elaboración e venda de mel, axudando a complementar o traballo que se está a facer dende a horta do Fogar de Acollida de San Cibrán, que alberga persoas que loitan para reconstruir as súas vidas, superando situacións de marxinalidade e adiccións.
Author: FGCN
...
