O domingo 1 de marzo Lugo ten unha nova cita co atletismo popular. Unha carreira na que os dorsais, desta volta, serán moito máis que números. Gracias á sensibilidade dos organizadores e patrocinadores, a terceira edición da carreira Campus Terra Leyma e VII edición da Carreira Interuniversitaria contra a droga, destinará un donativo solidario de axuda á Fundación Galega contra o Narcotráfico. A Fundación agradece especialmente a súa solidariedade ao Servizo de Deportes do Campus Lugo da USC e a todos os deportistas participantes.
Na carreira poderán competir atletas das categorías adulto, sub16, sub 14, sub 12 promoción e pitufos. Os percorridos divídense segundo a idade dos participantes, dende os 7.400 metros dos maiores ata os 150 metros dos máis cativos. A xornada comezará ás 11.30 horas, no estadio Gregorio Pérez Rivera, coas probas de 150 metros e rematará coa de adultos, que partirá ás 12.00 horas.
A cor azul característica da Universidade de Santiago de Compostela e do Campus Terra será tamén protagonista desta carreira solidaria xa que todas as persoas inscritas recibirán unha camiseta técnica, prenda que deberán usar durante a proba para converter a Lugo nunha marea azul na que centos de dorsais correrán xuntos para gañar unha batalla común: a loita contra o tráfico de drogas e a súas consecuencias.
Author: FGCN
...
