Vilanova de Arousa acolleu unha nova edición dos actos centrais da campaña de sensibilización social Panos Brancos contra a Droga, celebrados o día 26 de xuño encoincidencia coa data sinalada pola ONU como Día Internacional contra a Droga.
O acto, cargado de simbolismo, reuniu unha nutrida representación da sociedade de Vilanova de Arousa, que demostrou o seu rexeitamento ao consumo e o tráfico de drogas a través de diversas actividades como a firma da bandeira contra a droga e a lectura pública do Manifesto da campaña.
O acto contou cunha importante presencia de institucións e colectivos sociais que apoian á campaña, entre as que destaca a Vicepresidencia da Xunta de Galicia, o propio Concello de Vilanova de Arousa e entidades como Obra Social La Caixa, cuxo apoio fai posible a celebración destes actos, que son tan importantes de realizar en lugares especialmente sensibles ao problema do narcotráfico e as drogas. Diversos concellos galegos participaron na campaña a través da FEGAMP, que un ano máis sumouse á iniciativa da FGCN.
Author: FGCN
...
