Alumnos/as e profesorado de colexios e institutos de Vilagarcía de Arousa promoven a edición dun vídeo preventivo fronte ao covid-19.
O lema elexido, A vacina somos nós, destaca o papel determinante que as persoas e o seu comportamento xogan na prevención fronte ao virus.
A iniciativa xurdiu nos encontros que a FGCN mantén cos responsables dos centros educativos para o fomento de hábitos saudables entre os estudantes de ESO/Bacharelato a través do deporte, tendo en conta que nas actuais circunstancias o primeiro hábito saudable que hai que manter é precisamente a prevención fronte ao coronavirus, un obxectivo que en boa medida está a lograrse no ámbito escolar grazas ao esforzo e compromiso da comunidade educativa.
