·FGCN e centros educativos organizan a IV Etapa Xacobea Conxunta entre estudantes da Ría de Arousa
·A iniciativa une deporte, hábitos saudables e fomento do Camiño entre a mocidade galega
·Exposicións fotográficas e artísticas nos centros educativos xunto ao novo certame de relato curto Contos do Camiño completan o programa

A FGCN continúa apostando polo deporte e o fomento de hábitos saudables coa organización, xunto aos centros educativos, da IV edición da Etapa Conxunta do Camiño de Santiago.
Tras o éxito de participantes das anteriores edicións, este ano a andaina desdóbrase en dúas xornadas, a primeira delas terá lugar o venres día 10 de outubro con estudantes e profesorado da ESO pertenecentes a diversos centros educativos de Vilanova e Vilagarcía de Arousa emprenderán un tramo da etapa saíndo desde a Carballeira de Francos (concello de Teo) ata chegar a Catedral de Santiago de Compostela, cubrindo unha distancia aproximada de quince kilómetros. A segunda etapa dentro deste programa terá lugar a finais de novembro coa participación de estudantes e centros de distintas localidades de O Salnés e Barbanza.

Turismo de Galicia e a Consellería de Sanidade apoian esta iniciativa que busca promover hábitos saudables a través do Deporte e do Camiño, fomentando a convivencia entre escolares de distintas localidades e centros. Ao tempo, a andaina serivirá para «que os novos peregrinos coñezan e sintan na súa propia experiencia os valores do Camiño e as súas distintas dimensións: relixiosa, cultural, histórico-artística, paisaxística, medioambiental, turística…» según indica o presidente do colectivo, Manuel Couceiro Cachaldora, quen manifesta que deste xeito «consolidamos a aposta polo deporte con actividades que nos axudan a facer mellores persoas». Desde a FGCN agradecen especialmente a acollida de profesores e alumnado e o alto interese que desperta a iniciativa entre estudantes e centros.

As actividades do programa O Teu Camiño non finalizan coa chegada dos peregrinos ao Obradoiro; posteriormente están programadas Exposicións Fotográficas e Artísticas coa participación dos centros educativos, xunto ao novo Certame de Relato Curto, Contos do Camiño, aberto á participación dos/as estudantes.

A FGCN quere agradecer especialmente a sensibilidade e o decidido apoio ofrecido por parte de Turismo de Galicia, Consellería de Sanidade, Porto de Vilagarcía de Arousa, Obra Social LaCaixa/Caixabank e Academia Xacobea, xunto á colaboración de Protección Civil de Vilagarcía, Protección Civil e Policía Local de Ames para garantir a seguridade da etapa.

Author: FGCN

...