O venres día 13 de novembro tivo lugar a XXI edición do Torneo Deportivo Eu Saúde/Panos Brancos nas instalacións do C.D. Fontecarmoa coa participación de máis de douscentos deportistas de idades entre 12 e 16 anos. Estudantes de ESO do IES A. Cotarelo, IES Castro Alobre, Colexio San Francisco e Colexio Sagrada Familia. O alumnado do CIFP Fontecarmoa do ciclo de Baloncesto participou na organización e arbitraxe do torneo.
A celebración do torneo serve tamén para realizar paralelamente diversas actividades de prevención de drogodependencias e outras adiccións nos centros educativos. O programa exténdese nas aulas a un colectivo de preto dun millar de mozos/as dos centros participantes En opinión dos organizadores “o deporte axúdanos a formar mellores persoas, transmitindo valores como esforzo, autosuperación, disciplina, respecto… sen esquecer os seus indubidables beneficios para a saúde”.








