Panos Brancos contra a Droga é a campaña de sensibilización social organizada pola FGCN en colaboración con asociacións e concellos de toda Galicia. Panos Brancos converteuse dende o principio no maior e máis contundente movemento social de rexeitamento ás drogas e o narcotráfico.
A campaña desenvólvese a través de diferentes actos públicos mediante os cales os cidadáns pronúncianse en contra da droga e as bandas criminais do narcotráfico, utilizando principalmente a simboloxía de panos e bandeiras brancas como icono visible do seu compromiso.
Cada ano, os actos centráis da campaña se desenvolven nunha cidade distinta para acadar a maior difusión da mensaxe preventiva e implicar aos cidadáns de toda Galicia no compromiso fronte ás drogodependencias e o narcotráfico. Os concellos galegos participan a través da FEGAMP.
Os actos centrais celebranse en coincidencia co Día Internacional contra o Uso Indebido e o Tráfico Ilícito de Drogas, instaurado pola Organización de Nacións Unidas –ONU-, que quere suliñar a importancia decisiva da participación de familias, escolas e comunidade na prevención do consumo de drogas.
Paralelamente aos actos sociais, durante o ano celebranse os Torneos Deportivos Panos Brancos, dirixidos a fomentar a práctica do deporte como actividade de ocio saudable e fomentar a adquisición de hábitos de vida e valores asociados ó deporte.
A campaña diríxese a toda a sociedade galega, con especial atención para o colectivo de nenos e xóvenes, un dos grupos máis vulnerables fronte a este problema.
OBXECTIVOS
- Implicar de forma activa a toda a sociedade, aumentando o grado de concienciación e sensibilización social fronte o consumo de drogas e o narcotráfico de Galicia.
- Previr futuros consumos e adicións, especialmente entre nenos e xóvenes.
- Promover comportamentos e hábitos saudables.
- Fomentar actividades de ocio enriquecedoras para o desenvolvemento persoal.
Author: FGCN
...
Deixa un comentario